Министерот за внатрешни работи Оливер Спасовски и амбасадорот на Република Словачка Мартин Безак денеска ќе го посетат прифатниот центар за мигранти „Винојуг“ во Гевгелија.
Целта на посетата е осмата ротација на припадниците на словачката полиција кои спроведуваат патролни активности заедно со припадниците на МВР на границата со Грција.
Петнаесет припадници на словачката полиција на почетокот на месецов ги сменија своите колеги. Тие спроведуваат заеднички патролни активности со македонските колеги на границата со Грција кај Гевгелија, со цел превенција во областа на јавната безбедност и неовластеното преминување на државната граница.