Генералниот секретар на СДСМ и пратеник од Куманово, Оливер Спасовски, реагира на денешната намерна провокација со симнувањето на државното знаме во центарот на Куманово и поставување на албанското знаме.
„Денеска се случи срамен чин на симнување на македонското знаме од јарболот во центарот на Куманово.Го осудувам ваквиот настан од било кого да е и за било какви интереси.
Ги повикувам сите граѓани на мојот град за смиреност и да покажеме дека најважно ни е Куманово,соживотот во него и Македонија.
Да живее Република Македонија!“ напиша Спасовски на својот Фејсбук профил.
Според информации од Куманово се работи за две лица, кои се приведени.
