Спасени четворица авганистански новинари, С. Македонија им обезбеди привремен престој

Од:

Изутрината на Меѓународниот аеродром Скопје пристигна група од четворица новинари од Авганистан кои се во опасност од новите тамошни власти.

Станува збор за ТВ и радионовинари кои работеле за локални медиуми и дописници за странски медиумски куќи, а по падот на демократската влада, добивале закани по живот од Талибанците.

Северна Македонија им обезбеди привремен престој до заминување во трета држава по барање на Меѓународната организација на новинари и Самостојниот синдикат на новинари и медиумски работници.

Со прифаќање на овие авганистански граѓани, земјава ја продолжува активната улога во големата хуманитарна операција за помош на продемократското население во Авганистан, соопштија владините служби.

Информираат дека по слетувањето била спроведена стандардната процедура – безбедносна проверка, заштита и ПЦР-тест.

Тие, како што објаснуваат од Владата, ќе бидат привремено сместени во Скопје, а трошоците во целост се покриени од организацијата Новинари за човекови права.

Во земјава во моментов престојуваат 534 граѓани на Авганистан за кои институциите им ја обезбедуваат и пружаат потребната поддршка и помош.

Од Северна Македонија до сега заминаа 85 граѓани на кои траен престој им обезбедија Франција, Грција, Ирска, Португалија, Бразил и САД.

Би можело да ве интересира

Велика Британија преселува илјадници Авганистанци на своја територија

Иран депортира над 300.000 авганистански мигранти под сомнение дека се израелски шпиони

Уште 68 Авганистаници добија привремено сместување во земјава

Канада обезбеди престој за нова група авганистански граѓани кои беа згрижени во Македонија

А1он

Уште 35 авганистански граѓани отпатуваа од Македонија кон нивната трајна дестинација

Ана Ололовска

39 граѓани на Авганистан од Македонија заминаа за Канада

Ана Ололовска