„Се случува сериозна хаварија поради неодговорноста и неспособноста на Петре Шилегов. Секој ден стотици скопјани чекаат ред по неколку часа за субвенции за велосипеди и тротинети во услови кога се случува најсилниот пик на заразата со корона.
Советничката група на ВМРО ДПМНЕ во градот Скопје гласаше за субвенции за тротинети и велосипеди и смета тоа дека е корисен проект, но максимално штетен е хаосот со начинот на аплицирање и колоните редици и оправданата нервоза кај скопјани“, велат од Советничката група на ВМРО-ДПМНЕ на Град Скопје.
„Во 21 век Шилегов наместо да овозможи аплицирање по електронски пат, тој го строи народот во колони и редици директно изложувајќи го на закана од коронавирусот. Шилегов со редиците од неколку стотина метри пред Град Скопје и хаосот со субвенциите ризикува да стане нов корона-кластер.
Шилегов со ова станува закана за здравјето на скопјани.
Апелираме веднаш да се смени начинот на аплицирање и документите да можат да се достават по електронски пат или по пошта.
Сè друго преставува ризикување и поигрување со здравјето на скопјани“, соопштуваат од Советничката група на ВМРО-ДПМНЕ на Град Скопје.