Директорката на Државниот санитарен здравствен инспекторат, Ирина Сотирова Бухова, од денеска е во самоизолација бидејќи контактирала со член од семејството кој е позитивен на Ковид-19.
„По препорака на епидемиолозите јас сум во самоизолација и ќе бидам 14 дена. Имав контакт со позитивно лице, член на потесното мое семејство. Чувствувам должност да ја известам јавноста. Се чувствувам добро, немам никакви симптоми. Првиот тест покажа дека сум негативна, но по епидемолошката препорака, ќе останам дома“, објави Бухова преку интернет страницата на ДСЗИ.
Таа вели дека откако почна пандемијата секогаш ги почитувала сите протоколи, одржувала физичка дистанца и носела маска.