Собраниската Комисија за европски прашања и Комисијата за европски прашања и контрола над европските фондови на бугарскиот Парламент изразиле подготвеност за соработка пред отпочнувањето на процесот на преговори за членство во ЕУ на Македонија.
Ова било посочено на средбата на членовите и претседателите на двете собраниски тела во Софија, соопшти собраниската Комисија за европски прашања.
На средбата било потврдено дека интеграцијата и напредокот на земјите од Западен Балкан се во фокусот на приоритетите на Бугарија.
Претседателот на Комисијата за европски прашања Артан Груби се сретна и со Групата за пријателство Бугарија-Македонија во Народното собрание во Софија, на чие чело се наоѓа Борис Ванѓелов.
На средбата, како што се наведува, беше заклучено дека испраќањето јасни сигнали на добра соработка меѓу двете држави ќе покаже дека нашата стратешка цел е да споделуваме заеднички вредности во НАТО и Европската Унија.
Груби се сретна и со потпретседателот на бугарското Народно собрание Емил Христов и Џема Грозданова, претседател на Комисијата за надворешна политика.