Со системот на е-даноци нема да има човечки фактор при собирање на данокот, вели вицепремиерот Николовски

Од:

Со дигитализацијата и имплементирање на системот на е-даноци, нема да има општини во кои ќе има човечки фактор и ќе зависи од тоа дали има одделение, дали имаат ресурси, сакаат или не сакаат да ги испорачуваат решенијата и да го собираат данокот. По усвојувањето на Планот за борба против корупцијата, го детектиравме ова прашање и енергијата ќе биде насочена кон елиминирање како системски проблем или слабост, изјави вицепремиерот за борба против корупција Љупчо Николовски, одговарајќи на новинарско прашање за ненапланетот данок на имот во Арачиново.

Николовски, нагласи дека, за процесот веќе имаа поддршка и од Заедницата на единици на локална самоуправа – ЗЕЛС и од Владата.

– Со ЗЕЛС и директорката и претседателот, точно уште минатата недела, пред оваа тема да биде објавена, ги детектиравме слабостите и договоривме активности во делот на заедничко имплементирање и на системот на е-даноци, каде што нема да има човечки фактор. ЗЕЛС дава поддршка на процесите, кои што ги отвораме, на дигитализација, на истражни центри, на систем за пријавување случаи каде не се постапува, за системот за следење на предмети, за укинување на изводот од матична книга. Лично сметам дека целиот овој проблем или слабости во системот ќе биде решен, доколку се воспостави еден таков електронски и дигитализиран систем на даноци, каде општините ќе мора да ги испорачуваат решенијата за данок на имот и останатите даноци под нивна надлежност и дека нема да имаме селективност, изјави Николовски.

Многу работи, нагласи тој, на некој начин ги правиме првпат по 20 или 30 години.

– Ние веќе објавивме листа на транспарентност на општините, затоа што како Влада донесовме заклучоци, за да го мониторираме делот на препораки, кои што се од Законот за информации од јавен карактер, а се однеусваат на општините. Токму во тој извештај, се опфатени и рангирани општините со висока, средна и ниска транспарентност. Општините, кои што немаат веб страни, кои што не ги објавуваат овие 22 различни типа на документи и мислам дека тоа ќе биде корисна алатка што сега ја применуваме на сите други државни институции, изјави Николовски.

Директорката на ДКСК Билјана Ивановска, рече дека очиглено во овој случај не се покриени двата ризика – за целосно и навремено прибирање на приходите и дека УЈП требало тоа да го има предвид.

– Не сме имале предмет, но сметам дека тука Управата за јавни приходи треба да излезе на терен и да види што се случува, дотолку повеќе што системот е дизајниран, меѓутоа проблемот се јавува во функционирањето. Едно е ова што го кажува вицепремиерот, меѓутоа кај нас е проблемот и со неказнивоста, што и кој ќе ја надомести штетата што е веќе настаната, изјави Ивановска.

Би можело да ве интересира

Николовски: Се што правиме е во функција на заштита на македонскиот идентитет

А1он

Николовски: Создаваме модерна патна врска во североисточниот дел на Коридор 8

А1он

Николовски поднесе оставка од функцијата генерален секретар на СДСМ

А1он

Николовски: Јавноста има право да знае врз која основа судиите ја донеле оваа одлука

А1он

Жител на Арачиново неовластено поседувал муниција, МВР најавува кривична пријава

А1он

Николовски-Мекеј: Планот за борба против корупција основа за зголемена транспарентност и владеење на правото

А1он