Со подзаконски пропис овозможено продолжување на печатењето и издавањето лични карти

Од:

Владата по вчерашната седница најави дека денеска би требало да продолжи печатењето и издавањето на личните карти на граѓаните согласно нивните барања.

Министерот за внатрешни работи Оливер Спасовски, како што информираа од Владата, на седницата информирал дека подзаконскиот пропис во врска со издавањето на обрасците на новите лични карти ќе биде објавен до синоќа во „Службен весник“, и оти со тоа ќе се овозможи веднаш да започне печатењето и издавањето на личните карти на граѓаните согласно нивните поднесени барања.

Стотата владина седница била со единствена точка на дневен ред на која била разгледана Информација за надминување на актуелната состојба во врска со издавање на обрасците на новите лични карти.

На седницата Владата, како што информираше владината прес-служба, го задолжила министерот да ги преземе сите потребни активности за донесувањето на подзаконски пропис согласно овластувањето од Законот за лични карти и да го усогласи со одредбите од Законот за употреба на јазиците со што се овозможува непречено издавање на обрасците за барање за издавање на личната карта, образецот на потврдата за поднесено барање за издавање лична карта, образецот за личната карта, постапката за издавање и замена на личната карта, како и за начинот за водење на евиденцијата за издадени лични карти. Спасовски ги информирал премиерот и министрите дека подзаконскиот пропис ќе биде објавен до крајот на денот во „Службен весник“ и дека од денеска ќе се овозможи печатење и издавање лични карти.

Владата бараше законско решение за издавање на личните карти на граѓаните, поради тоа што измените на предложениот закон се блокирани во Собранието. Според изјавите на премиерот и други владини функционери, околу 40.000 граѓани биле со истечени лични карти или аплицирале за првпат за нив.

Би можело да ве интересира

Владата ги усвои предлог-законите за патни исправи, за лични карти и матичен број

Ана Ололовска

Досега издадени над 13.000 нови лични карти

Ана Ололовска

Влада: Од утре продолжува печатењето и издавањето лични карти

А1он

Спасовски: Не фалат обрасци за лични карти, треба да се изгласа Законот

Ана Ололовска

Преку 40.000 граѓани без лични карти поради блокадата на законот, спас се бара со враќањето на пратениците на работа

Кристијан Ландов

Се бараат решенија за граѓаните со истечена лична карта

Ана Ололовска