Kомплетирана е документацијата за промена на името на институцијата Претседател на државата. Во текот на денот институцијата ќе го добие називот Претседател на Република Северна Македонија, велат од Централниот регистар за „А1он“.
Откако промената ќе се запише, новоизбраниот претседател Стево Пендаровски ќе треба да ги промени и печатите.
Со оваа промени, се менува и името на последната институција која го користеше старото име, Република Македонија. Експретседателот Ѓорге Иванов не го признаваше новото уставно име Република Северна Македонија и одбиваше да изврши промени на називот во Централниот регистар и на веб-страницата. Промената на името на институцијата се прави согласно уставните измени, кои следуваа по потпишувањето на Преспанскиот договор. Пендаровски ќе треба да го промени името на институцијата Претседател и во меморандумите и во сите други записи.
По неговото доаѓање на функцијата, првата промена каде беше впишано името Претседател на Република Северна Македонија беше официјалната веб-страница.
Кристијан Ландов