По пауза од една и пол година, средношколците и основците од вчера повторно се вратија во училишните клупи, притоа почитувајќи ги сите здравствени протоколи. Во училиштата протоколите предвидуваат носење макси, дезинфекција, проветрување на простории и мерење на температура.
Барање за следење онлајн настава за оваа учебна година поднеле околу два отсто од учениците, што според надлежните е прифатлива бројка и се надеваат така ќе остане.
Онлајн учење сепак останува за четири града во државата, поточно во Тетово и Гостивар, каде заради епидемиолошката состојба, две недели ќе се одвива само онлајн настава. Во Струга и Кичево, пак, учениците една недела ќе учат онлајн.