Со допис до НАТО побарано исправка за користењето на терминот „македонски јазик“

Од:

Премиерот Зоран Заев, изјави дека е испратен допис до Алијансата со кој се бара корекција во делот на користење на терминот „македонскиот јазик“ на веб страницата на НАТО.

„Меѓународните институции го признаваат македонскиот јазик и идентитет и верувам дека со дописот што го испративме ќе го корегираат. Некогаш се случуваат грешки, веројатно и во делот на формулацијата, некојпат за сите е новина, па и за меѓународната заедница, исто така, е новина сето тоа што се случува во делот на Северна Македонија – новото име на нашата земја, што се надевам ќе биде и во функција после гласањето во грчкиот Парламент. Затоа што самото користење и на новото име кај нас, различно од идентитетските прашања како Македонци, кои зборуваме македонски јазик, а ќе бидеме од Северна Македонија треба јасно да се разграничи. Постојат веќе формулирани, готови протоколи каде тоа се објаснува и на сите меѓународните организации“, рече Заев на новинарско прашање по посетата на клиниката за неврологија.

Тој потсети дека нашата земја веднаш по ратификацијата на Протоколот треба да испрати писмо до 193 членки на ОН, во кое ќе бидат објаснети сите аспекти на употребата на новото име.

Дел од јавноста во Македонија се побуни што завчера, за време на церемонијата на потпишување на пристапниот Протокол за НАТО, Алијансата прв пат, не го искористи зборот „македонски јазик“ на својата веб страница, и покрај тоа што секогаш досега го користела.

Висок извор во НАТО за дописничката на МИА од Брисел објасни дека ќе можат да го користат терминот „македонски јазик“ откако ќе завршат сите процедури врзани за договорот од Преспа.

Би можело да ве интересира

Премиерот Заев во телефонски разговор со Столтенберг: Остануваме посветени на евро-атлантските интеграции наш стратегиски и суверен избор

Ана Ололовска

Столтенберг: Со нетрпение ја очекуваме Северна Македонија во НАТО

Ана Ололовска

Францускиот Сенат го ратификуваше Протоколот за членство во НАТО

Татјана Ташкова

Се поблиску до НАТО, неизвесно за ЕУ

Ана Ололовска

По Италија денеска Протоколот за пристапување во НАТО ратификуван и во Велика Британија

Ана Ололовска

Италијанскиот Сенат го ратификуваше Проколот за НАТО

Ана Ололовска