Економски раст, повиски плати, нови работни места и поддршка за домашните компании, пред се за малите и срeдните претпријатија, најави денеска кандидатот за градоначалник на Бутел од СДСМ Велимир Смилевски.
– Најголемиот проблем за спориот економски развој во нашата општина се должи на инфраструктурни проблеми кои со години го отежнуваат развојот за инвестирањето во отварање нови работни места и развој на постоечките индустриски и стопански капацитети. Планираме вложувањето во решавањето на инфраструктурните проблеми да биде направено со залагање на локалната власт, а не како досега да биде препуштено на само финансирање и оптеретување на буџетот на приватните компании кои гравитираат на овој дел, изјави Смилевски.
Според него, придобивките од овие услуги на локалната власт ќе бидат за подобрување на бизнис климата и отварање нови работни места за кои приоритет ќе имаат жителите на општина Бутел.