Службениот пиштол на Горан Грујовски вратен во МВР, од него ни трага ни глас

Од:

Службениот пиштол на поранешниот началникот на Петтата управа во МВР, Горан Грујовски, е вратен во МВР, но од него сè уште нема ни трага ни глас. Министерот за внатрешни работи, Оливер Спасовски, денеска информира дека во меѓувреме им е прекинат работниот однос на Горан Грујовски и Никола Бошкоски, кои се во бегство од 26 јули.

Спасовски вели дека полицијата ги презема сите мерки во однос на двајцата вработени во МВР за кои е подигнато обвинение, а се во бегство.

„Се преземаат сите мерки за да дојдеме до податок каде се наоѓаат за да се реализира судската одлука за притвор. Поради тајноста на постапката, не можам да соопштам повеќе детали. И двајцата веќе немаат никакви права од работниот однос, а службеното оружје на Горан Грујовски е вратено во МВР“, вели Спасовски.

МВР на 26 јули не ги најде дома двајцата обвинети од СЈО во предметите „Тврдина“ и „Таргет“, на кои Апелациониот суд на 18 јули им одреди притвор, по што распиша меѓународна потерница.

Двајцата се обвинети од СЈО за нелегално прислушување илјадници граѓани преку злоупотреба на системите за следење во МВР и за физичко уништување на системите со кои се прислушувало за да нема докази за масовното кршење на човековите слободи и права. Тоа се предметите на Специјалното обвинителство „Тврдина“ и „Таргет“, кои сега се споени во еден предмет.

Би можело да ве интересира

ВМРО-ДПМНЕ: Панче Тошковски го суспендира командирот од Ропотово, Даница Чадиева од СДС преку Второстепена го враќа

Полицајци земале поткуп од странци, па им фингирале документи дека влегле или излегле од Македонија

(ВИДЕО) Кузеска: Скандалот во МВР со испитниот центар смрди на корупција!

Млада жена се обидела да ја убие бабата на сопругот, поведена истрага

МВР: На ниту еден граѓанин не му беше скратено правото да присуствува на вчерашниот протест во Кочани

Предраг Петровиќ

Скопјанка криумчарела мигранти од Египет