Форумот на Слободоумни патриоти реагираше по одлуката од партијата ВМРО-ДПМНЕ да се исклучи професорот Јове Кекеновски. Тие сметаат дека одлуката е бесправна и беспредметна. Писмото на форумот ви го пренесуваме во целост.
Неодамна од Вас е пристигнато писмо со кое известувате дека за лицето ЈОВЕ КЕКЕНОВСКИ е донесена Одлука за утврдување на дисциплинска одговорност – исклучување од ,,партијата” т.е од членство во АД „Н. Груевски и пријателите”.
Одлуката е потпишана од Претседател на дисциплинска комисија извесен Зоран Дионисијев, времено ангажиран во Вашето акционерско друштво.
Ве известуваме дека проф д-р ЈОВЕ КЕКЕНОВСКИ, никогаш не бил член на Вашето АД, бидејќи е член на ВМРО ДПМНЕ од самото нејзино основање и член на Форумот на слободоумни патриоти и оттаму Вашата одлука е беспредметна и бесправна.
Затоа, најљубезно истата Ви ја враќаме назад со замолница во иднина поажурно да си го водите списокот на членови на Вашето АД „Н. Груевски и пријателите”.
Со почит,
03.04.2015 Скопје
КООРДИНАТИВНО ТЕЛО на
ФОРУМОТ НА СЛОБОДУМНИ ПАТРИОТИ
ОСНОВАН ОД ЧЛЕНОВИ НА ВМРО ДПМНЕ
Горноврановска 122, Скопје