Секторот за внатрешни работи од Скопје расчисти четири тепачки кои се случиле изминатите денови во градот и притоа приведе осуммина осомничени, соопшти МВР.
Вчера во полициска станица биле повикани А.Т. и О.А., двајцата од Скопје, затоа што на 3 јуни во паркот Чаир го нападнале С.Х., при што А.Т. употребил и остар предмет.
Вчера во полициска станица се повикани и Д.Т. и И.Т. затоа што на 9 јуни физички го нападнале Д.И. од Скопје.
Во средата во полициска станица бил извршен разговор и со А.А. и Б.И. затоа што на 20 јуни на булеварот „Партизански одреди“ физички ги нападнале И.Ј.(20) и С.Ј.(27). На 19 јуни, пак, во полициска станица биле повикани и Б.А.(24) и И.Т.(20) затоа што истиот ден физички го нападнале 51-годишниот Б.Л., велат од полицијата.
Од МВР најавуваат соодветни пријави против сторителите по целосно документирање на случаите.