Скопје утрово со умерено ниво на аерозагаденост, прекинат прагот на алармирање во Струмица

Од:

Скопје по неколку дена поминати меѓу 10-те најзагадени градови во светот, утрово бележи пад на листата. Според табелата на платформата за мерење на аерозагадувањето „Ај кју аир“, во 9 :15 часот главниот град се наоѓа на 57. место во светот.

Вредноста на нивото на штетни ПМ честички изнесува 63 единици во Скопје и е во категоријата означена со жолто поле како умерено ниво на загаденост.

Најзагадени градови на глобално ниво се Делхи во Индија, Каиро во Египет и Мумбаи исто во Индија. Во Европа, денеска Букурешт има најзагаден воздух и е на 16. место со вредност од 134 единици, далеку пред Милано во Италија кое е на 39. место (81) и Киев на 41 место.

Во државата, намалени се вредностите на аерозагадување и во Струмица. Согласно податоците од ДАМСКВ синоќа среднодневните концентрации на РМ10 се под дефинираниот праг на алармирање од 150 мg/m3, и епизодата од два последователни денови со надминување на прагот на алармирање за РМ10 е прекината во Струмица.

Би можело да ве интересира

Полицијата уапси пироман кој опожари две возила во кругот на струмичката болница

И владејачкото мнозинство поднесе барање за надзорна расправа за аерозагадувањето, Гаши треба да одлучи кое матично тело е надлежно за нејзино организирање

Апасиев: ДПМНЕ ја блокира надзорната расправа за аерозагадувањето зашто има бизнис релации со загадувачите

Снег во Скопје, врне и во останатите делови од државава

Две хаварисани возила изгореа во кругот на струмичката болница

Измамена е 83-годишна жена, останала без 50.000 денари