Тројца скопјани, вчера попладне во 16 часот на улицата „Цветан Димов“ во скопската населба Чаир, физички нападнале двајца полицајци, удирајќи ги со тупаници и влечејќи ги за униформите.
Од МВР информираат дека причина за нападот е тоа што претходно полицајците го сопреле „мерцедесот” со скопски регистарски таблички, во кое се возеле тројцата скопјани.
Набргу по инцидентот, скопјаните А.У.(37), А.З.(20) и А.Б.(46), биле приведени во полициска станица Кисела Вода.
По целосно расчистување на случајот против скопјаните ќе следат соодветни поднесоци, информираат од полицијата.