Денеска околу 6.10 часот на автопатот Гевгелија – Скопје, во близина на наплатна станица Демир Капија, полициски службеници го уапсија И.Б.(22) од Скопје. При преглед во возилото „ауди“ кое го управувал, биле пронајдени 11 лица мигранти од Сирија, од кои дел се малолетници.
Претходно тој не застанал на знак за запирање, продолжил со движење и со возилото ја скршил рампата на наплатната станица. По преземени мерки возилото било запрено возилото, по што И.Б. се обидел да избега, но бил фатен и уапсен.
Мигрантите биле спроведени во прифатно-транзитен центар, а шверцерот е задржан во полициска станица.
По целосно документирање на случајот против него ќе биде поднесена соодветна пријава.
