Силно невреме синоќа го зафати росоманското село Сирково при што се предизвикани штети кај земјоделските култури, информираше денеска градоначалникот на Росоман Стојанче Лазов.
– Денеска излегов на терен за да ги видам штетите од невремето. Според првичните согледувања невремето остави пустош во селото. Има наноси и од метар и пол, оштетени се и патот и канализационата мрежа, соопшти Лазов.
Тој рече дека во текот на утрешниот ден општинска комисија ќе направи проценки на штетите од невремето.