Се уште нема официјално известие дека е стигнато мислење од СЈО за ослободување од притвор на Сашо Мијалков. Се надеваме дека денеска ќе стигне, а утре да се одлучува. Очекуваме позитивно мислење и позитивна одлука, рече адвокатот на Сашо Мијалков, Љупчо Шврговски.
По барањето за ослободување од притвор на Сашо Мијалков ќе одлучува судија по претходна постапка, кој ја одреди мерката притвор.
Обвинетиот Мијалков побара ослободување од притвор со замена на поблага мерка, со гаранција од 1 милион евра.
Адвокатот Шврговски истакна дека кога се поднесува гаранција тоа се однесува на бранење од слобода, што очекува и да биде одлуката на судот.
„Кога се нуди гаранција, истата се нуди за бранење од слобода, а не за куќен притвор. Каков ќе биде ставот на Обвинителството не знам, но очекуваме целосно да биде ослободен. Во секој случај подобро куќен притвор, отколку затворски. Сепак условите во истражниот затвор во Шуто Оризари и дома не се исти“, рече Шврговски.
Виктор Јованов