Штипското Здружение на телесни инвалиди бара субвенционирање на сметките за вода

Од:

Штипското Здружение на телесни инвалиди „Мобилност“ бара нивните членови целосно или делумно да бидат ослободени од плаќање надоместок за потрошена вода.

Претседателот на здружението „Мобилност“, Штерјо Николов вели доколку надлежните локални институции донесат позитивна одлука ќе престане неправдата што им била нанесена на нивните членови, кога општината реши да субвенционира дел од сметките за вода на членовите на Здружението на слепи лица.

– Со ова барање на Здружението би требало да бидат опфатени околу 550 лица со телесен инвалидитет, кои се групирани во седум групи и тоа лица со детска церебрална парализа, ампутација, дистрофија, мултиплекс склероза и други коскени и мускулни заболувања, вели Николов.

Барањето е доставено до Советот на Општина Штип, а матичните комисии треба да го разгледуваат и да донесат одлука дали и членовите на Здружението на телесни инвалиди ќе бидат субвенционирани при плаќањето на сметките за вода.

Ваква одлука Советот на Општина Штип донесе за членовите на Здружението на слепи лица, со што субвенциите изнесуваат 500 денари месечно. Доколку сметките се повисоки, во тој случај членовите ја доплаќаат разликата.

Би можело да ве интересира

ВИДЕО: Уапсен е убиецот кој вчера пукаше во кафуле во Штип

Катерина Ѓуровски

Почина студентот од Турција кој беше застрелан синоќа во кафуле во Штип

Катерина Ѓуровски

ВИДЕО: Се трага по напаѓачот од штипското кафуле кој и побегна на полицијата кај Миладиновци

Катерина Ѓуровски

Пукање во Штип, едно лице е повредено на градскиот плоштад во Штип

Предраг Петровиќ

Пеце Ристевски назначен за в.д. директор на штипскиот Центар за култура „Ацо Шопов“

А1он

Недели не делат од убава вест за доизградбата на новата Клиничка болница во Штип, најави премиерот