Штипските текстилни работнички се откажаа откако протестот им се покажа залуден

Од:

Над 50 работнички од штипската конфекција „Алкон текс“, кои протестираа поради тоа што биле ставени на принуден одмор, го ставија протестот во мирување.

Бисера Кафтанова, претставничка на работниците, вели дека решението го донеле откако увиделе дека нема никакви информации за решавање на нивниот статус. Таа посочува дека е нехумано на протести да доаѓаат бремени жени и работнички со своите деца и внуци и да плаќаат такси превоз за да отидат пред фабриката.

-Никој не не контактираше од фирмата. Сега сме во исчекување. Од овој месец немаме пензиско и здравствено осигурување. Останува на институциите, што тие ќе решат, вели Кафтанова.

Минатата недела, работничките беа пред фабриката, барајќи исплата на неисплатените плати и придонеси и да бидат префрлени во друга фирма.

Кристина Ампева од здружението „Гласен Текстилец“ вели дека покренуваат иницијатива за промена на Законот за прекршоци, во кој ќе бараат да се зголемат глобите за работодавците, кои ги кршат основните работнички права, а тоа се неисплата на плати, придонеси и додатоци. Посочува дека трудовиот инспектор кога ќе констатира кршење на работничките права, согласно законот, на работодавачот му се изрекува минимална глоба која може да се преполови, доколку ја плати на време. Заостанатите неисплатени плати работниците можат единствено да си ги побараат во судска постапка.

Ампева смета дека ова е апсурдно, бидејќи е невозможно работник, кој подолго време не добил плата, да плаќа судски трошоци.

– За пример ќе ги земам штипските фирми „Баргала“ и „Штип-текст“, за неисплатени плати и придонеси. Ова се официјални информации од Државниот трудов инспекторат. Платени се глоби. Ако ги платат во рок од осум дена, тие глоби стануваат 500 евра и работодавачот нема обврска да ги исплати платите на работниците, туку тие може да си ги побаруваат само во судска постапка, вели Ампева.

Ампева за случајот со конфекцијата „Алкон текс“ вели дека планираат да стапат во контакт и со странскиот партнер и брендовите за да ги известат за случајот со работниците.

Би можело да ве интересира

Жители на три села ќе ја блокираат изградбата на експресниот пат Штип – Кочани

Железарци ги засилуваат протестите до надлежните: Запрете го возачкото дивеење на „Коце Металец“

Жарко Настоски

Утре ќе бидат затворени улици во центарот на Скопје поради протест против образовните реформи

Жарко Настоски

Кочански крадец фатен на дело во Штип, со алат пробувал да обие продавница

Жарко Настоски

Арсовски: Сашко Николов со Штип владее исто како неговото семејство со Баргала

ВИДЕО: Грци протестираа против вакцините и задолжителната вакцинација, за првпат нападнати новинари

Жарко Настоски