Од Министерството за внатрешни работи информираат дека жена од Штип се обидела преку пакетот со храна наменет за осудено лице, да внесе и прашкаста материја во штипскиот затвор.
„На 30.09.2021, полициски службеници од Полициската станица Штип ја лишиле од слобода Б.М.(44) од Свети Николе, затоа што околу 13.00 часот во Казнено – поправната установа Затвор Штип се обидела да внесе пакет со храна на осудено лице, во кој имало прашкаста материја, која била пронајдена при претрес од затворската полиција. Во врска со настанот, полициски службеници од СВР Штип ја лишиле од слобода и В.К.(46) од Штип. При претрес во нејзиниот дом и помошни простории во Штип, извршен со судска наредба, била пронајдена марихуана. Пронајдените прашкаста материја и марихуана се одземени, а во координација со Јавен обвинител, по целосно документирање на случајот, против Б.М. и В.К. ќе биде поднесена соодветна пријава“, велат од МВР.