Денеска за првпат ниту ВМРО ДПМНЕ, ниту пак МВРО-ВМРО преку својот портпарол и соопштение, како и директно инволвираниот директор на УБК, Сашо Мијалков, не ја спореа автентичноста на објавените разговори на прес-конференцијата на СДСМ, напиша на својот профил на Фејсбук, портпаролот на СДСМ, Петре Шилегов.
„Со ова, дефинитивно самите ставаат точка на прашањето на веродостојноста на сите објавени разговори. Веродостојни се. Веројатно во своето брзање да објават демант, во смисла: ’Е сега имаме аргументи за демант’, па го спомнуваат и Израел со договор за донација, овие ’брзи кучки’ заборавиле во целост да ги преслушаат снимките, па да демантираат. Ве повикувам, да обратите внимание на делот каде што во денес објавениот материјал, Мијалков и Костова, зборуваат за начинот на кој што треба да биде донесена или пренесена провизијата. Ауч. Значи, ако нема како да се браниш, викај дека е конструирано и креирано, па странски служби, а ако помислиш дека има како да се браниш, не спориш автентичност. Ама, што правиме со провизијата? Ауч“, напиша Шилегов.