Министерката за одбрана Радмила Шекеринска заедно со шефот на македонската дипломатија Никола Димитров денеска во седиштето на НАТО во Брисел учествуваат на состанокот на Северно-атлантскиот совет со Република Македонија, јави дописникот на МИА од Брисел.
Пред почетокот на состанокот, со кој претседаваше заменик-генералниот секретар на Алијансата Роуз Готемулер, заедно со Шекеринска и Димитров одржаа прес-конференција, на кој македонската вицепремиерка најави дека Македонија од 2018 година ќе го зголеми буџетот за одбраната за 0,2 проценти и дека за 20 отсто ќе го зголеми военото присуство во мисијата „Одлучна поддршка“ на НАТО во Авганистан.
– Ние сме во седиштето на НАТО заради 17-тиот циклус на Акцискиот план за членство (МАП) на Македонија во Алијансата. Можам да кажам дека македонската Влада е одлучна да се врати на патот на реформите и на патот кон членство во Европската унија и НАТО. Како Влада сме посветени на планот „3-6-9“ за фокус на демократските реформи, како што се владеењето на правото, независни медиуми, судство, професионалана администрација… Сето тоа е потребно денес во светот и регионот, бидејќи без демократија и владеење на правото, сите земји се понестабилни – посочи Шекеринска.
Според вицепремиерката и министерка за одбрана на Македонија, земјата подготвила нова безбедносна стратрегија и денеска известивме за нов стратешки одбранбен преглед на политиките како Македонија ќе чекори подобро во иднина.
– Ги информиравме сојузниците дека Владата одлучи да почне постепено зголемување во трошењето на одбраната со почетокот од 2018 година, а потоа и во 2019 година, со 0,2 проценти од Бруто-домашниот производ (БДП), за да се дојде до потребните критериуми за членство во НАТО. А, имам привилегија и денес да информирам дека македонската Влада одобри Македонија да ја зголеми партиципацијата во мисијата „Одлучна поддршка“ за 20 отсто од следната година и веруваме дека со ова ќе покажеме дека Македонија е кредибилен партнер на кого НАТО може да се потпре – додаде Радмила Шеќеринска.
Заблагодарувајќи се на Алијансата за можноста Македонија се приклучи на НАТО-образовната и подобрена програма за подобро знаење, што според неа ќе овозможи реформи во одбранбениот сектор, министерката за одбрана посочи дека Владата е подготовена да се посвети како партнер на кој НАТО може да се потпре.
Заменик-генералнито секретар на Алијансата, Роуз Готемулер, пак, на прес-конференцијата посочи дека имала задоволство да ги пречека Шеќеринска и Димитров во седиштето на НАТО. Во име на Алијансата, таа изрази благодарност за поддршката што Македонија ја дава во мисијата „ОДлучна поддршка“ во Авганистан и поосчи дека со македонската делегација дискутираат за важноста од стабилноста на Западниот Балкан, за политичката ситуација во земјата и прогресот во однос на реформските напори на новата Влада.
– НАТО-членките и меѓународната заедница беа престрашени од насилството во парламентот во април оваа година и го поздравуваме прогресот што е направен оттогаш. Во јуни, генералнито секретар Столтенберг се сретна со вашиот премиер и стави до знаење дека е важно сите страни да ги надминат разликите и да работат за заедничко добро, констурктивно со цел имплементирање на потребните реформи, преку засилување на доброто владеење и владеењето на правото во мултиетничкото општество. На оваа предизвикувачка реформска агенда и треба време и напор, но реформите ќе бидат од корист за змејата кон достигнување на евро-атлантските цели – посочи Готемулер.
Заменичката на Јенс Столтенберг, додаде дека НАТО е над две децении во Западниот Балкан и помага во стабилноста на земјите и на заедниците во регионот. Готемулер посочи дека моментот што Црна Гора стана 29. членка на Алијансата, окажал дека вратите на НАТО се отворени и дека од Алијансата продолжува поддршката и на македонската држава на патот кон членство во НАТО.
Министерот за надворешни работи, Никола Димитров, истакна дека во седиштето на НАТО се чувствува како дома и пројави надеж дека наскоро ова или другото седиште на Алијансата, кое е преку пат на сегашното, во иднина ќе биде и дом на Македонија. Спорецд шефот на македонската дипломатија, тој и вицепремиерката Шеќеринска се во НАТО за да ја презентираат, како што рече, позитивнаѕа приакзна и да ја информираат заменик-генералнито секретар постојаните претставници на НАТО-земјтие во рамки на Северно-атлантскиот совет (НАК) за „силата и издржливоста на македонската демократија која поситгна политички промени во лице на институционалната и морална криза“.
– Земјата одлучи да инвестира во демократија за ништо како последните години да не се случи повторно. Ние сакаме слободни медиуми, функционален парламент, судиите да судат независно и антикорупциската комисија да функкционира за земјата да биде повеќе како НАТО-земјите членки и да гради вредности како нивните. Ние ќе ја убедиме Алијансата дека има повеќе причини зошто Македонија треба да е 30-тата членка на НАТО. Неи го делиме товарот на глобалната и регионалн безбедност. Ние сме земја што гледа на регионот низ перспектива да успееме или да не успееме заедно. Со новата надворешна политика, Македонија е решена да не создава проблеми, туку да гради мостови и горди сме што имаме успех со источниот сосед, кој е и НАТО-членка, а тоа е Бугарија, со која потпишавме договор за пријателство на 1. август. Ние сме определение да го однесеме регионот во добра насока и сакаме да исчекориме и според зрелост и мудроста по кризата, сакаме да им помогнеме на другите да одат во оваа насока. Ова е важен ден за односите меѓу Македонија и НАТО – подвлече Никола Димитров.
Во пресрет на состанокот на Северно-атлантскиот совет, Радмила Шеќеринска вчера во Брисел се сретна со Педро Серано, заменик-генерален секретар на Европската служба за надворешна политика (ЕЕАС), а за денеска се очекува да има средба со директорот на Директоратот за планирање и политика на НАТО, Пол Северо. Министерот за надворешни работи, Никола Димитров, пак, синоќа во Брисел се сретне со еврокомесарот за проширување и соседска политика, Јоханес Хан.