Шаќири: Државната администрација е многу поразновидна од Охридскиот договор наваму

Од:

„Новиот дух што дојде во Република Северна Македонија по Охридскиот рамковен договор значително влијаеше на поделбата на моќта и етничката застапеност во рамки на државата. Идејата за ваков договор беше да се гарантира на сите етнички заедници политичко, социјално и културно учество, како и самоизразување,“ рече министерот за информатичко општество и администрација Јетон Шаќири во денешното обраќање на петтиот Комитет за односи меѓу заедниците, што се одржа во Собранието на Северна Македонија.

Шаќири посочи дека со Законот за вработените во јавниот сектор се обезбедува механизам за спроведување на уставниот принцип на правична и соодветна застапеност на припадниците на етничките заедници, на ниво на секоја од институциите во јавниот сектор, и врз основа на потребите на самите институции изразени преку годишните планови за вработување.

-Многу важен чекор што се реализираше во текот на оваа година беше систематизацијата на вработените со Рамковниот договор на соодветните работни места, што значително го унапреди прашањето за правична застапеност во институциите каде имаше повеќе недостатоци, преку К-5 програмата, рече Шаќири.

Додаде дека јавната администрација во последните години поминала низ драстична промена, опишувајќи ја како поразновидна.

-Како министер за информатичко општество и администрација, ве уверувам дека државната администрација ја гледам како важен дел од нашето општество, што припаѓа на секој граѓанин на земјата, без разлика на неговата етничка припадност, рече Шаќири.

Би можело да ве интересира

Николовски и Шаќири: Со новиот Електронски систем за поднесување и следење на пријави до брзи услуги за граѓаните и превенција од корупција

А1он

Шаќири: Сајбер безбедноста е важен фактор во процесот на дигитализација

А1он

Шаќири „максимално ќе го поддржи“ отворањето посебни сектори за примена на јазиците во сите институции

Жарко Настоски

ВИДЕО: Министерот Шаќири го претстави предлог-буџетот на МИОА за 2021 година

Жарко Настоски