Обезбедувањето по наредба на Ректорската управа ги избркала тројцата професори Крсте Шајноски, Маргарита Матлиеска и Александар Костадиновски од просториите на Економскиот факултет при штипскиот Универзитет „Гоце Делчев“ откако денеска во 16 и 30 часот го почнаа штрајкот со глад, бидејќи како што тврдат, незаконски се избркани од работа. Но, тврдат дека тоа нема да ги спречи да го продолжат штрајкот, објави Фокус
– Од просториите на факултетот не избрка обезбедувањето на Ректорот. Од просториите насилно не исфрлија шесторица на чело со шефот на обезбедувањето. Не изнесоа на раце. Сега седиме на скалите пред факултетот и чекаме од синдикатот да ни обезбедат просторија каде да го продолжиме штрајкот. Ректорот не не регистрира. Сигурно сме избркани од тука по негова наредба. Но, нема да дозволиме ова да помине вака. Ние ќе продолжиме со штрајкот се додека не се исполнат нашите барања – тврди професорот Крсте Шајноски.