Шахпаска: Состојбата со пандемијата во градинките и дневни центри за лица со попреченост е стабилна

Од:

Состојбата поврзана со ковид-пандемијата во детските градинки и центрите за лица со посебни потреби е стабилна. Тие остануваат и натаму отворени, но без можност да се зголемува бројот на згрижени деца во градинките, определен согласно здравствените протоколи.

-Во градинките согласно последниот неделен извештај има три нови позитивни дечиња, и 18 вработени. Бројот на деца присутни во градинките во моментов е најголема и сега има 13 350 деца присутни во градинките од 21 300 колку што според протокол смее да бидат во градинките, рече министерката за труд и социјална политика Јагода Шахпаска одговарајќи на новинарско прашање по посетата на Народна кујна во Шуто Оризари.

Таа вели дека со наближување на пролетта и се потоплото време има поголем интерес од родителите да ги праќаат децата во градинка, но повтори дека се уште нема промена на бројката на деца кои може да бидат згрижени во градинките, односно зголемување на опфатот. Комисијата за заразни болести, рече, останува на ставот дека зголемување на бројот не може да има.

-Бројот на деца кои се згрижуваат во гардинките останува на исто ниво. Во јасли може да бидат згрижени најмногу 12 деца, а во групите од две до шест години најмногу петнаесет, рече Шахпаска додавајќи дека комисијата не се согласила бројот на деца во поголемите групи да биде зголемен на 17 или 18 деца.

Таа нагласи дека е стабилна состојбата и во Дневните центри за лицата со посебни потреби. Во изолација, рече им 5-6 вработени и осум корисници.

Би можело да ве интересира

1092 нови случаи на Ковид-19, починати се 32 лица

Катерина Павлова-Николовска

ВМРО-ДПМНЕ на нов протест пред Министерството за здравство: Имаме 4150 починати лица, тоа е како да го снема Крушево

Катерина Павлова-Николовска

73 нови хоспитализирани во Скопје, во ковид центрите се лекуваат 1687 лица

36 прекршувања на полицискиот час и 434 казни за неносење маска

Во една недела затворени осум угостителски објекти поради непочитување на протоколите

Идната недела завршува вакцинацијата на приоритетните групи