Шахпаска: Со Стратегијата за родова еднаквост 2021-2026 ќе овозможиме еднаква видливост на жените и мажите

Од:

Со Стратегијата за родова еднаквост 2021-2026 ќе се воспостави сеопфатна рамка на активности за унапредување на родовата еднаквост и статусот на жените, рече министерката за труд и социјална политика Јагода Шахпаска на јавната дебата на Комисијата за еднакви можности на жените и мажите. Таа посочи дека целта на Стратегијата е да обезбеди потполна родова еднаквост, зајакнување на положбата и статусот на жената во општеството, еднаков пристап до ресурси и еднакво учество во донесување на одлуки во сите сфери на општествено живеење.

dobivaj vesti na viber

„Визијата за родова еднаквост значи еднаква видливост на жените и мажите. Еднаква плата за вршење на исти работни задачи со исти образовни и професионални квалификации. Ова е важен предуслов за економски развој на една земја. Многубројните меѓународни анализи и истражувања покажаа дека токму државите со повисок степен на родова еднаквост се и економски поуспешни земји. Концептот едно општество за сите подразбира дека жените и мажите треба да имаат еднакви права, на човечки, социјален, економски и културен развој, како и еднакво учество во граѓанскиот и политичкиот живот“, рече министерката Шахпаска.

Според министерката Шахпаска со Стратегијата, Република Северна Македонија се стреми кон унапредување на состојбата на родовата еднаквост во 13 области, меѓу кои и сузбивање на стереотипите и насилството кон жените, креирање на политики и мерки за вработување. Таа оцени дека овој документ значи започнување на нов циклус на работа во кој сите треба активно да придонесуваме. Стратегијата се носи во пресрет на новиот Закон за работни односи.

„Со новиот Закон за работни односи креираме и политики кои го регулираат родителското отсуство и за прв пат со новиот Закон за работни односи воведуваме родителско отсуство за таткото. Креираме политики и за флексибилно работно време, работа со скратено работно време, работа од дома, работа од далечина, заштита на работното место“, рече Шахпаска

Во програмата за работа 2020-2024 Владата се залага и за зајакнување на жените во економијата и земјоделството како и вреднување на лидерските потенцијали на жените. Во таа насока донесени се Законот за спречување и заштита од дискриминација. Целта на Владата за наредниот приод е внесувањето на родовиот концепт во буџетските политики кои водат кон креирање на родово сензитивен буџет, од кој имаат еднаква придобивка и мажите и жените.

Стратегијата за родова еднаквост 2021 – 2026 ја има поддршката од меѓународните организации УН Women, УНФПА, Mисијата на ОБСЕ, УНДП.

Би можело да ве интересира

Тренчевска: Апликацијата Сиборд претставува унапредување на инклузијата на децата со попреченост уште од најраната возраст​

А1он

МТСП: Започнува интезивна работа на новиот Закон за работни односи

А1он

МТСП: Во тек е исплатата на правата од социјална и детска заштита

Ана Ололовска

Тренчевска: Социјалната заштита е високо на нашата агенда, грижата за граѓаните е наш приоритет

Ана Ололовска

Тренчевска: Неопходен е ефикасен социјален дијалог за унапредување на безбедноста и здравјето при работа

Ана Ололовска

МТСП: СОНК ги доведува во заблуда штрајкувачите и ги става личните интереси пред интересите на децата​

А1он