Шахпаска на средба со „Гласен текстилец“: Работниците да го пријават секое прекршување на нивните права

Од:

Почитување и унапредување на правата на работниците, како и усвојување целосно нов и усогласен закон за работни односи кој ќе ги одразува потребите и на работниците и на работодавачите се дел од најважните приоритети за Министерството за труд и социјална, порача ресорната министерка, Јагода Шахпаска на денешната средба со Кристина Ампева, од Здружението „Гласен текстилец“.

На состанокот, на кој се зборуваше и за институционална и ефикасна заштита на работничките права, особено во услови на КОВИД-19, присуствуваше и директорката на Државниот инспекторат за труд, Јована Тренчевска.

-Работничките права и законите кои нив ги регулираат мора да се почитуваат и од тоа нема отстапување. Постојано сме во директна комуникација со Здружението „Гласен текстилец“, со претставниците за синдикатите и ги охрабруваме работниците секое непочитување на нивните права да го пријават до надлежните институции. Само на тој начин можеме ефикасно и одговорно да постапуваме, рече министерката Шахпаска.

Соговорничките се согласија дека е постигнат значаен напредок во заштитата на правата на работниците, но дека на ова поле има уште простор за работа, особено е неопходно да се охрабрат работниците да го кренат својот глас секогаш кога се прекршени нивните права.

-Изедначувањето на минималната плата во текстилната и кожарската индустрија, како и во индустријата со обувки со останатите сектори што го постигнавме како Влада е од исклучително значење. Минималната плата изминатиот период од 9.000 денари се покачи на 14.900 денари, а тенденцијата е да расте, веднаш откако ќе биде надмината кризата што ја наметна пандемијата КОВИД-19, нагласи Шахпаска.

Би можело да ве интересира

Ампева: „Гласен Текстилец“ даде бесплатна правна помош на 5369 работници

А1он

Синдикатот бара на определено време да се работи најмногу една година, а породилното да трае 12 месеци

Жарко Настоски

Прилеп: Зачестија трудовите инспекции, а состојбата со кршењето на работнички права не се менува

Жарко Настоски

ССМ и Инспекторатот за труд ги повикуваат работниците да ги пријават газдите кои го кршат законот

Жарко Настоски

Ампева: Работничка од Куманово ја доби првата кривична пресуда за кршење права во корона-криза

Ана Ололовска

До трудовиот инспекторат пристигнати над 6.000 претставки, повеќето за непочитување на владините мерки

А1он