Шахпаска на средба со директорите на градинките: Ако ги почитуваме мерките за заштита од Ковид-19 градинките се безбедни

Од:

Министерката за труд и социјална политика Јагода Шахпаска денеска оствари средба со директорите на детските градинки со кои разговараше за предизвиците со кои се соочуваат во време на пандемија, важноста од строгото почитување на Протоколот за превенција и заштита од ширење на вирусот како основен заштитен механизам и други прашања важни за непречено функционирање на детските градинки, соопшти МТСП.

На средбата која заради пандемијата од КОВИД 19 се одржа онлајн и на која учествуваа околу 70 директори, било констатиран дека состојбата во градинките е стабилна како резултат на почитување на мерките за заштита од ширење на вирусот, а потврда за тоа, како што било речено, се и бројките на позитивни случаи на КОВИД 19, на вработени и деца кои не се загрижувачки.

-Воспитувањето и образованието на најмладите во општеството, децата е работа која бара голема посветеност и вистинска грижа. Од страна на Министерството ја имате целосната поддршка во работата и продолжуваме заеднички да работиме на решавање на сите предизвици кои произлегуваат од секојдневието и обезбедување на безбеден престој на вработените и децата во градинките. Ако ги почитуваме мерките за заштита од КОВИД 19, обезбедуваме безбедни градинки и за вработените и за децата, истакнала министерката Шахпаска.

Соговорниците се согласиле дека ваквиот тип средби и разговори, се од големо значење за сите страни,затоа што овозможува подобра координација во функционирањето на Јавните установи.

Би можело да ве интересира

35 починати од Ковид-19, регистрирани 890 нови случаи

Жарко Настоски

Утврдени грешки при изградбата на модуларната ковид болница во Тетово

ВМРО-ДПМНЕ ќе предложи и рефундирање на парите за граѓаните што морале да се лекуваат во приватна болница

Коциќ: Со законски измени ги ограничуваме трошоците за лекување од ковид во приватните болници

Угостителите на протест се до исполнување на барањата за спас на секторот

68 нови пациенти во ковид центрите во Скопје во последното деноноќие

Катерина Павлова-Николовска