Сенатот на Шпанија на 17 март ќе го ратификува Протоколот за НАТО

Од:

Сенатот на Шпанија на 17 март ќе одржи пленарна седница на која ќе го ратификува Протоколот за членство на Северна Македонија во НАТО, објави вечерва на фејсбук министерот за надворешни работи Никола Димитров.

– И покрај кризата околу корона вирусот и суспендирањето на сите други активности, Сенатот на Шпанија пред малку одлучи на 17 март да одржи пленарна седница со единствена точка на дневен ред: Ратификација на Пристапниот протокол за членство на Северна Македонија во НАТО! ¡Muchas gracias España!, пишува Димитров.

Протоколот, на 27 февруари доби зелено светло од Долниот дом на шпанскиот Парламент.

Шпанија е последната земја од членките на НАТО, која сè уште не го ратификувала Протоколот. Процесот таму се одолжи поради изборите и формирањето на Владата. Протоколот кај нас, пак, беше ратификуван со одложено дејство, заради распуштањето на Собранието и предвремените парламентарни избори.

Би можело да ве интересира

Два дена хаос во возвите во Шпанија поради украдени кабли

Шпанија e под притисок: Мора да троши повеќе на одбрана

Трамп повторно им се закани на членките на НАТО

Американската економија падна за прв пат по три години, Сенатот одби да ги поништи царините на Трамп

Неколку смртни случаи за време на прекинот на електричната енергија во Шпанија

ВИДЕО: Струјата полека се враќа на Пиринејскиот полуостров, врската меѓу Шпанија и франција можна причина за колапсот