Лидерот на Алијансата за Албанците, Зијадин Села пред почетокот на денешната собраниска седница на чиј дневен ред е Иницијативата на опозицијата за изгласување недоверба на владиниот Кабинет, изрази оптимизам дека „ќе падне Владата“.
– Граѓаните ќе бидат послободни од притисоците на оваа антидемократска и антиграѓанска власт, изјави Села.
Во Собранието се уште не почна седницата на која треба да се гласа за недоверба на Владата на премиерот Зоран Заев, поради побараната пауза од еден час од пратеничката група на ВМРО-ДПМНЕ. Претходно, пауза даде и претседателот на Собранието, Талат Џафери зошто како што рече не сака да биде 61-от пратеник кој ќе овозможи мнозинство зошто не ја подржува иницијативата.