Гостивар е исклучен од концептот „Едно општество за сите“, а со директни наредби од премиерот, коалицискиот партнер прави сé за да го блокира работењето на градоначалникот на Гостивар, Арбен Тарави, и граѓаните. Ова го изјави лидерот на Алијансата за Албанците, Зијадин Села, по посетата на Гостивар и средбата со Таравари.
„Блокадата е видлива и преку примерот со неставањето на предлог-буџетот на дневен ред на седницата на советот. Гостиварци се пример дека големите изјави на премиерот за едно општество за сите и живот за сите во Македонија се само лага зад која се кријат ниски политички игри на СДСМ и на коалицискиот партнер ДУИ“, рече Села.
И неговиот сопартиец Арбен Таравари обвинува дека мнозинството на советот на Општината што го предводи ДУИ, намерно не сакале да се расправа и да се стави буџетот на дневен ред со цел, како што вели, да ја запреле работата на локалната самоуправа.