Во рамките на соработката меѓу здруженијата и асоцијациите за пријателство меѓу Грција и Македонија вклучени се и деца кои покажале интерес за грчкиот јазик и култура, јавија грчките медиуми.
Вкупно 17 деца од Македонија, претежно од Пехчево и Штип, се вклучени во програма за гостопримство на деца и до 31 јули престојуваат во летни кампови во близина на Кавала.
Програмата е поддржана и од грчки државни институции и грчкиот Црвен крст, информираат медиумите.
На ваков начин се охрабрува комуникацијата и воспоставувањето пријателски односи меѓу децата од Македонија и нивните врсници од Грција.