Седум години од петкратното убиство кај Смилковско езеро

Од:

Денеска се навршуваат седум години од петкратното убиство кај Смилковското езеро. На 12 април 2012 година, Велики четврток, беа убиени петмина скопјани додека ловеле риба крај езерото.

Убиени беа четири момчиња на возраст од 18 до 21 година од скопската населба Радишани, Филип Славковски, Александар Наќевски, Цветанчо Ацковски и Кире Трпковски, како и 45-годишниот Борче Стевковски од селото Црешево.

За петкратното убиство кај Смилковското езеро беше отворен предмет „Монструм“, а на доживотен затвор беа осудени Алил Демири, Африм и Агим Исмаиловиќ и Езим и Хаки Азири и Сами Љута.

Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост. По укинувањето на пресудите, случајот „Монструм“ го презеде СЈО и предметот беше вратен на повторно судење.

За судот се уште недостапни се Алил Демири и Африм Исмаиловиќ по кои се распишани меѓународни потерници. Од Министерството за правда се уште чекаат одговор на барањето за нивна екстрадиција од Косово.

Случајот го води судијата Огнен Ставрев и се наоѓа во доказна постапка. Во досегашниот тек од постапката беше извршен јавен увид во возилото „опел омега“, беа сослушани вештаци од МВР, судска медицина и балистика. На последното рочиште јавноста беше исклучена бидејќи се презентираа докази обезбедени со посебни истражни мерки.

На 23 февруари 2013 година во близина на брегот на Смилковско езеро, на местото Кршиколе или Крст, осветен е камен темелник на црквата „Св. 40 Маченици“, која е посветена на убиените момчиња.

Би можело да ве интересира

Курти не одговори дали и кога Косово ќе ги испорача Исмаиловиќ и Демири, осудените во „Монструм“

Рустеми се согласил да им се намалат казните на осудените за насилствата на протестите за „Монструм“

Кристијан Ландов

Заев очекува Косово да постапи според меѓународното право и да го испорача Африм Исмаиловиќ

Жарко Настоски

Сослушани сведоци на одбраната во случајот за протестите за „Монструм”

Ана Ололовска

Косово без одговор за екстрадицијата на Африм Исмаиловиќ, осуден на доживотен затвор во случајот „Монструм“

Судењето против обвинетите за протести за случајот „Монструм“ продолжува на 19 април

Ана Ололовска