Судскиот совет на Република Македонија на денешната седница треба да ги усвои правилниците за додатоци на плата, нивната висина и начинот на утврдување за членовите на Судскиот совет, за судиите во Република Македонија, како и за судските службеници.
На дневен ред на седницата е и Годишниот план за јавни набавки за 2019 година на Судски совет на РМ, измените и дополнувањата на Правилникот за внатрешна организација на Судскиот совет, како и измените и дополнувањата на Правилникот за систематизација на работните места во Судскиот совет.