Софтверската компанија Сеавус организира бесплатна програма за обучување на млади инженери од областа на ИТ операции и поддршка.
Програмата нуди можност учесниците да се стекнат со почетно знаење со алатки за монтирање, SQL бази, Shell и Powershell скриптирање, ИТ безбедност, сервиси на Oracle и многу повеќе.
Предавањата започнуваат на 17 октомври 2018 година, а завршуваат на 12 ноември 2018 година, и ќе се одвиваат три пати неделно, во период од 09.00ч до 17.00ч.
Сите дипломирани студенти, оние на постдипломски студии, како и во последна година од студии кои сакаат да го надградат своето знаење, како и сите оние кои сакаат да ја променат професијата, оваа талент програма е вистинска можност за вас.
По завршувањето на предвидените предавања, најдобрите учесници ќе имаат можност да се вработат во Сеавус и да се стекнат со професионално искуство преку работа со различни клиенти ширум светот како и да добијат можност да работат со најдобрите сервиси за хостирање, систем администрација, сервиси за ИТ операции и поддршка во различни технологии.