Дијабетичарите од 1 декември веќе не треба да одат кај матичен лекар за да им се издаде рецепт за инсулинска терапија, туку ќе можат директно во инсулинска аптека да ја подигнат месечната терапија.
Единствено што треба е осигурениците кои подигнуваат редовно инсулин е еднаш во годината да одат кај матичен лекар, да добијат упат за специјалист-ендокринолог, кој во Центарот за дијабетес ќе им го издаде Барањето за издавање инсулинска терапија.
Станува збор за уште нов проект на Фондот за здравствено осигурување на Македонија кој се однесува на олеснување на пристапот до лекови за различни групи осигуреници.