Министерството за здравство ја информира јавноста дека во врска со 41-годишната пациентка која почина на инфективното одделение во Клиничката болница Штип, Државниот санитарен и здравствен инспекторат во моментов спроведува вонреден инспекциски надзор за конкретниот случај.
Случајот побуди многу интерес во јавноста, откако ќерката на починатата жена се пожали на социјалните мрежи на лош третман на персоналот во болницата кон неа и нејзиното семејство.
Директорот на Клиничката болница Штип, д-р Ален Георгијев, исто така побарал да се изготви комплетен извештај за начинот на третман на пациентката, велат од министерството.
По завршениот вонреден инспекциски надзор, јавноста ќе биде детално информирана, додаваат од МЗ.