Интензивно се одвива изградбата на едукативниот тренинг центар за туризам во Демир Капија, кој ќе биде единствен од ваков вид на Балканот, соопшти денеска Виолета Јанкова, советник за туризам во општина Демир Капија.
Центарот е дел од европскиот проект за прекугранична соработка со Република Грција и вреди над 300 илјади евра.
– Временските состојби ни одат во прилог, така што градбата на објектот се одвива според однапред утврдената динамика. Центарот за едукација и вмрежување во туризмот е дел од ИПА програмата и со него ќе се реши проблемот со недостиг на човечки ресурси во областа на туризмот, ќе се овозможи создавање на еден регионален центар во кој ќе се едуцираат и кадри од соседните држави, рече Јанкова.
Според планот, Центарот треба да биде готов до јуни годинава.