Се дезинфицираат судниците и се прави нов распоред за седење на странките во кривичниот суд

Од:

Основниот кривичен суд Скопје информира дека почнува со интензивни подготовки на сите судници и простории во судската зграда и оти од среда, 3 јуни, доколку во меѓувреме не се добијат нови напатствија од Судскиот совет, ќе се постапува по сите насрочени судења согласно календарот за судење објавен на веб-страницата на судот.

– Основниот кривичен суд Скопје ја информира јавноста дека по добивање на одлуката на Судскиот совет на РС. за судење на сите насрочени судења, која беше објавена на 29 мај, попладне почнува со интензивни подготовки на сите судници и простории во судската зграда. Во текот на денешниот ден ќе се врши целосно дезинфицирање на судниците и нов распоред за седење на странките согласно препораките на Владата за заштита од ширење на вирусот Ковид-19, се вели во соопштението од Судот.

Заради тоа, посочуваат оттаму, денеска и утре, 1 и 2 јуни, Судот ќе постапува само по итни – притворски предмети и предмети поврзани со член 205 – 206 од КЗ, како и во изминатите два месеца, а од среда, 3 јуни, доколку во меѓувреме не се добијат нови напатствија од Судскиот совет, ќе се постапува и по сите останати насроечни судења согласно календарот за судење објавен на веб-страницата на судот.

Би можело да ве интересира

Османи бара да се продолжи рокот за регистрација за гласање на лицата во изолација

А1он

Бројот на активни случаи на Ковид-19 во Скопје и натаму опаѓа

А1он

168 нови случаи на Ковид-19, починале три лица

А1он

Со чаршав низ прозор избегале двајца турски мигранти од државен карантин, едниот позитивен на Ковид-19

Мери Јордановска

Во Свети Николе расте бројот на заразени со коронавирусот

Ана Ололовска

Филипче: Болниците имаат доволен капацитет, продолжуваме со пристапот на дијагностицирање и асимптоматски носители

Ана Ололовска