Се „чешлаат“ сите предмети против Мерко, дури и завршените – Обвинителите бaраат дали некој му гледал низ прсти

Од:

Дали некој од обвинителите му гледал низ прсти на струшкиот градоначалник Рамиз Мерко? Ова го „чешлаат“ темелно од Обвинителството откако во јавноста излезе на видело дека против Мерко има еден куп завршени и 6 активни предмети во обвинителствата низ Македонија.

Паѓа во очи фактот што при толку предмети против него тој досега не е обвинет, а дел од предметите и со години се чувале во фиока.

Дел од нив и застареле во меѓувреме, па струшкиот градоначалник куртули од гонење.

Иако со години Мерко успева да и избега на правдата, информацијата дека САД го стави Мерко на црна листа за корупција,  ги разбуди институциите.

Освен ова, и информацијата од антикорупциска подигна прашина во јавноста. Тие на прес конференцијата објавија дека иако поднеле претставка против него, во архивата на судски совет оваа претставка ја нема заведено. Дури и ја покажаа доставницата, како доказ дека предметот уредно го испратиле. Предметот го нема, сите бараат каде и зошто исчезнал, но она што со сигурност се знае е дека токму за овој предмет Мерко куртули од гонење, бидејќи во меѓувреме предметот застарел, иако кога е поднесен не бил застарен.

Поради сето ова Јавното обвинителство ги извади сите предмети против Мерко, дури и оние кои биле завршени и затворени и ќе испитува како се постапувало.

„ Комисијата на Јавното обвинителство на Република Северна Македонија задолжена да изврши вонреден надзор на заведените предмети против Рамиз Мерко, градоначалник на Општина Струга изврши увид во сите завршени и предмети во работа против ова лице во Основното јавно обвинителство Струга, Вишото јавно обвинителство Битола и во Основното јавно обвинителство за гонење на организиран криминал и корупција.

Притоа, заради обемноста на преземените дејствија и сложеноста, дел од предметите се уште детално се проучуваат и се анализираат. По завршувањето на проверките, Комисијата ќе изготви извештај со насоки за постапувањето во конкретните предмети.“, велат од обвинителството.

 

Би можело да ве интересира

Обвинителот Џељаљ Бајрами e избран за претседател на Комисијата за изборни нерегуларности

Љупчо Коцевски избран за нов државен обвинител

Сарамандова и Пеливанов стануваат виши обвинители: Советот ги одбра од 16 пријавени кандидати

Александар Тодески

Се кратела ли терапија од пациенти, се препишувале ли лекови на починати, каде завршиле скапите лекови – хаос во документацијата на Онкологија

Тројца онколози и двајцата директори осомничени за скандалот Онкологија – обвинителството отвори постапка

Васев уште е во полициска станица, обвинителството треба да одлучи какви мерки ќе бидат побарани

Александар Тодески