Започнаа уписите во шесте објекти на детската градинка „Ангел Шајче“ во Куманово.
Интересот е голем, а капацитетот на шесте објекти е целосно пополнет, информираат надлежните.
Градоначалникот на општина Куманово, вели оти станува збор за горлив проблем кој мора да се реши, за што информирано е и Министерството за труд и социјална политика.
Дамјановски додава дека Куманово е една од ретките општини во Македонија со постојан раст на млада популација, така што наскоро ќе се започне со подготовка на проектна документација за изградба на три градинки во населбите „Тоде Мендол“, „Перо Чичо“ и „Карпош“ како дел развојна програма на општината.
