Најголемата одговорност за скандалот во Слупчане, опозициската СДСМ ја лоцира Владата.
„Лицемерно е и владејачката партија и премиерот да се однесуваат како да се опозициона партија па да пишуваат соопштенија и така да ги искажуваат нивните ставови. Тие се Влада, имаат во своите раце власт и можат да го санкционираат оној што ги прекршил и правилата на работа на Владата и законите на државата. Очекуваме оваа Влада да ја промениме на демократски начин со граѓаните, а за проблемите внатре во владата одговорноста е на целата влада. Не персонално на поединечни министри во владата“, одговори Андреј Петров на новинарско прашање.