За разлика од репресијата, селективноста и притисоците што институциите под контрола на Никола Груевски ги правеа врз приватниот сектор, денеска државните институции работат професионално во служба на законите и во интерес на граѓаните, наведува СДСМ во реакција на денешната прес-конференција на Стефан Андоновски од ВМРО-ДПМНЕ.
Според СДСМ, завршило времето кога ВМРО-ДПМНЕ преку партизираните институции се пресметуваше со неистомислениците.
– Државните институции работат одговорно професионално и според законите коишто важат за сите физички и правни лица подеднакво. Ниту еден поединец, ниту едно претпријатие нема да биде над законите како што беше за време на владеењето на ВМРО-ДПМНЕ, стои во реакцијата.