СДСМ: Започна процесот на попишување, со учество во пописот, секој граѓанин придонесува за развој и подобра иднина на државата

Од:

„По речиси 19 години, државата спроведува попис согласно сите меѓународни стандарди и пракси на Евростат и Обединетите Нации.

Започна попишувањето на одделни категории на лица како што е предвидено во методологијата и од вчера се попишуваат лицата кои за време на пописот се наоѓаат во странство, во служба на Армијата, во казнено- поправни и воспитно-поправни установи, лицата кои се на служба во дипломатско-конзуларните претставништва на Република Северна Македонија и членовите на нивните семејства кои престојуваат со нив, како и бездомните лица“, велат СДСМ.

„До 21 април ќе се спроведе и самопопишување на дијаспората коешто се одвива електронски, преку веб страницата на Државниот завод за статистика.

Пописот е најважната и најголемата статистичка операција со којашто ќе се обезбедат податоци коишто ја даваат основата за креирање ефикасни јавни политики со цел создавање услови за економски раст и развој, искоренување на сиромаштијата, зголемување на еднаквоста меѓу граѓаните, рамномерен регионален раст и поголема заштита на животната средина.

Обвинувањата на ВМРО-ДПМНЕ дека Законот бил неевропски и собирањето на потписи за наводно одложување на пописот е само лош партиски маркетинг, на којшто граѓаните не смеат да подлегнат.

Законот за попис и методологијата се во согласност со меѓународните стандарди и тоа е потврдено и од Евростат.

Граѓаните активно да се вклучат во пописот со што ќе дадат свој личен придонес за подобра иднина на државата и на целиот народ“, се наведува во соопштението на СДСМ.

Би можело да ве интересира

(ВИДЕО) Талевски: Пресудата за „Трезор“ е доказ зошто беше важен Законот за ЈО и зошто ВМРО-ДПМНЕ беа против негово носење

Ана Ололовска

СДСМ: Градиме систем за поодговорно управување со јавните финансии

Ана Ололовска

СДСМ: ВМРО-ДПМНЕ дури и во опозиција се соочува со притисокот од народот

Ана Ололовска

(ВИДЕО) Костадинов: Николоски молчи за неговата наводна поврзаност во скандалот „Кавијар дипломатија“

Ана Ололовска

СДСМ: Институциите водат неселективна и бескомпромисна борба против корупцијата

Ана Ололовска

(ВИДЕО) Талевски: МВР на дело покажува што значи бескомпромисна, неселективна борба против корупција

Ана Ололовска