СДСМ: За поздравување е ставањето крај на самоволието и бесправното поставување објекти и споменици во Скопје

Од:

„Отстратнувањето на т.н. споменик на Андон Лазов Јанев-Ќосето, дивоградба бесправно поставена од страна на претходната градска власт предводена од ВМРО-ДПМНЕ, става крај на самоволието и незаконитоста во поставувањето објекти и споменици во Скопје.

Заврши времето на своеволно и незаконско поставување на споменици коишто служеа за создавање поделби меѓу граѓаните и остварување на криминални интереси, спротивни на интересите на граѓаните на Скопје.

Овој незаконски поставен споменик со години предизвикуваше негативни реакции во јавноста и поради локацијата на којашто беше поставен и поради негативната симболика со неговата контроверзна страна на историјата.

Сосема непринципелно и несоодветно е споменик на контроверзна историска личност, позната по својата суровост, да биде поставена пред зградите на највисоките судски органи во коишто граѓаните ја бараат правдата и ги остваруваат своите граѓански права.

Засадувањето на Дрвото на човековите права, на местото на споменикот на една негативна односно контроверзна личност, е потврда на заложбата на демократските, прогресивни сили во општеството за владеење на правото и правда за сите, што треба да резултира со создавање на независен, професионален и неселективен судски систем што ќе работи во интерес на граѓаните“, се вели во соопштението на СДСМ.

Би можело да ве интересира

Костадинова: Мицевски нападна пратеничка, тој е дел од насилничката матрица на ВМРО-ДПМНЕ

Катерина Павлова-Николовска

Коциќ: Со законски измени ги ограничуваме трошоците за лекување од ковид во приватните болници

(ВИДЕО) Талевски: Пресудата за „Трезор“ е доказ зошто беше важен Законот за ЈО и зошто ВМРО-ДПМНЕ беа против негово носење

Ана Ололовска

СДСМ: Градиме систем за поодговорно управување со јавните финансии

Ана Ололовска

СДСМ: ВМРО-ДПМНЕ дури и во опозиција се соочува со притисокот од народот

Ана Ололовска

(ВИДЕО) Костадинов: Николоски молчи за неговата наводна поврзаност во скандалот „Кавијар дипломатија“

Ана Ололовска