„Го упатуваме Никола Груевски на извештајот на ОБСЕ/ОДИХР, во којшто за претседателските и предвремените парламентарни избори ниту еднаш не се употребени зборовите фер и демократски.
Исто така, го упатуваме Никола Груевски, на последното соопштение на еврокомесарот Штефан Филе кој побара од Груевски итно да ги реши проблемите што постојано ги повторува набљудувачката мисија на ОБСЕ/ОДИХР, а се повторуваат, како што наведе еврокомесарот за проширување, и во извештаите на Европската комисија.
Тука Никола Груевски ќе го најде одговорот како од статус на достоинствена земја кандидатка за ЕУ, рамо до рамо со Хрватска, што макотрпно го изработи СДСМ, власта на Груевски за 9 години успеа да го искомплицира до ниво на можно губење на препораката за членство“, стои во пишаното соопштение на СДСМ по реакцијата на ВМРО-ДПМНЕ.