„ВМРО-ДПМНЕ за инфраструктура може да зборува само за провизии и криминал, автопатот Миладоиновци – Штип е пуштен во употреба
Единствен успех за ВМРО-ДПМНЕ во полето на инфраструктура се огромните провизии со кои ги задоволуваа нивните лични бизнис интереси.
Поради неспособност и криминални интереси, ВМРО-ДПМНЕ зад себе остави недовршени патишта со низа пропусти и нерегуларности кои ги чинеа граѓаните дополнителни стотици милиони евра за нивно надминување.
Очајната ВМРО-ДПМНЕ не може да се помири со фактот што за само 2 години, Владата предводена од СДСМ во инфраструктурата успеа да направи многу повеќе од тоа што опозициската партија го правеше цели 11 години за време на нивното владеење.
Автопатот Миладиновци – Штип денеска е пуштен во употреба во двата правци.
Решени се сите проблеми на Автопатот Кичево-Охрид, се гради во должина од 57 км.
4 експресни патишта се изградени, реконструирани и рехабилитирани со вкупна должина од 375 км на регионални патишта и 119 км магистрални: Градско-Дреново-Фариш, Штип-Крупиште-Кочани, Ранковце-Длабочица-Крива Паланка, Штип-Радовиш.
Во моментов се реализираат над 80 проекти за изградба и реконструкција на патишта во должина од повеќе од 700 километри.
ВМРО-ДПМНЕ може да гледа и да учи како се работи одговорно, домаќински и отчетно, како се гради по план“, се вели во реакцијата на СДСМ на соопштението на ВМРО-ДПМНЕ.